Joko ekintza

Joko ekintzaren gaian eskupilota jokamoldean nola jolasten den erakutsiko dizuegu.
Partidako lehengo sakea nork egin behar duen jakiteko zozketa baten bitartez egiten da. Behin jakinda nork egin, sakea bikotean izatekotan aurrelaria egiten du.

Sakea egiten duen taldekidearen atzelaria eskuinaldean kokatzen da eta errestoa egiten dutenek; aurrelaria atetik hurbil (3. Kuadroa) errestoa airetik egiten saiatzeko eta atzelaria ezkerraldean kokatzen da matxoiren efektuak sahiesteko. Ondorengo irudian  gorriz sakea egiten duten taldea ageri da eta urdinez errestoa egiten dutenak.

Pilota jotzeko bi mota daude, alde batetik airez eta bestetik, punpa egin ondoren. Hau jakinik, kolpe mota ezberdinak bereiz ditzakegu:

·    Dejada: Pilota indar gutxirekin jotzen da, horrela  pilota frontisetik hurbil gelditzen da eta aurkariak ailegatzeko zailtasunak izaten ditzake.

·    Gantxoa: Airez sorbaldaren altueran ezkerretik eskuinera edo alderantziz egindako kolpea da. Baita pilotan goitik beherako norabidea darama.

·    Sotamanoa: Pilota airez gerriaren inguruan emandako kolpea da, normalean behetik gorako norabidean.

·   Bolea: Airez sorbaldaren altueran emandako kolpea da. Sorbaldarekin goitik beherako mugimendua egiten da.

Matxoiaren eta atearen berezitasunak direla eta, hainbat jokaldi mota ezberdin bereiz ditzakegu frontoi arrunt batekin alderatuz:

• Horma-bikoa: Pilotak lehenengo ezker horma jotzea eta ondoren frontisa, era horretan pilota kontrakantxarako norabidean joango da.

• Matxoia bilatzea: Sakean eta tanteoan matxoia bilatzen da behin eta berriz, pilota matxoian sartzen denean norabide eta efektu ezberdinak hartzen dituelako.

• Atea bilatzea: Tanteoan baina batez ere sakean, atea bilatzen da. Atearen hertz bat kanpoalderantz irtenda dagoelako eta bertan pilotak ematen badu tantoa lortzea oso erraza da. Pilotak orokorrean atean ematen badu nahiko gelditzen da, egurrezko atea baita.